主页 > E生活君 >无谂过去旺角买电器会买到无晒自尊 蓝橘子 >

无谂过去旺角买电器会买到无晒自尊 蓝橘子

最近部相机坏咗,打算买部新相机。本来我谂住旺角有咁多间连锁大型电器舖,一定可以买到啱心水嘅相机。

点知我真係大错特错。

行咗半日,相机买唔到,又搞到一肚气,我发誓以后都唔会再去旺角买电器。

无谂过去旺角买电器会买到无晒自尊

我係一个对相机完全唔认识嘅人,勉强知道咩叫光圈、像素、iso呢类名词…我要求好简单,唔想要咁重,方便去旅行用,可以畀我换镜头就最好。

 

当我行入第一间电器舖,真实对话如下:

「先生想要咩牌子、咩型号?」店员。

「我对型号唔太熟,可唔可以介绍下唔同牌子有咩分别?」我。

「睇你想玩咩啰?」店员。

「我唔识相机,去旅行影相拍片,够轻手,可以换镜头就OK!」

「咁都要睇你budget几多喎。」

「我都想睇吓价钱唔同,会有咩分别?」

「你连budget都无好难介绍到畀你喎。」

「五千蚊呢。」

「都要睇你想玩咩啰~」

「……」

我觉得自己一直轮迴紧,于是我决定离开,去下一间舖头。终于今次有少少进度,店员介绍咗几款相机畀我,亦拎上手玩咗几下…

 

「我想知呢两部iso 同像素好似差唔多,咁两者有咩分别?」我。

「影相唔係睇像素嘅,你仲要配合好多嘢嘛~」

「例如呢?」

「光圈啊~快门啊~影唔同嘢又有唔同玩法!我好难教到你㗎,你要识得个概念我先讲得明你听嘛。」

「但我唔熟相机…」

「咁你买返普通数码相机啦!咪搞咁多嘢。」

「……」

根据当时店员嘅语气,我感觉到被店员嘲笑紧我唔识影相。本来我以为店员可以协助或提供意见畀我,如果我仲熟过佢,我好似去超级市场咁自己拎部相机去收银机畀钱咪得啰,使鬼请咁多店员咩。

无谂过去旺角买电器会买到无晒自尊 蓝橘子

结果都係要靠自己,食Lunch时上网睇咗几个型号,评价唔错价钱亦合理,谂住今次有晒目标,店员只需要介绍到部机嘅功能畀我就可以。

「唔该我想试吓XXX型号。」

「好啊!」

店员畀咗部机我,我想试吓开机,点知开极都无反应。我问店员係咪我唔识用,点知佢话:

「无晒电,试唔到…」

「但係我唔试过点买?」

「真係无电啊,唔係唔想畀你试啊先生。」

呢间係旺角最多分店嘅电器舖,估唔到咁大间舖头连后备电都无粒。

无谂过去旺角买电器会买到无晒自尊 蓝橘子

就係呢个时候,我见到隔篱有几对强国家庭,佢哋买到成枱都係嘢,一边望住wechat睇吓购物清单,一边向店员穷追猛打索取更多赠品,佢哋根本无谂过要试吓啲电器。

呢一刻,我终于知道原因点解我全日都买唔到部相机。

我并唔係被店员冷淡对待…

只係旺角电器舖根本唔係做香港人生意。

无谂过去旺角买电器会买到无晒自尊 蓝橘子

我又要试又要介绍,最后可能先买得一部机。隔篱强国旅游一买就几万蚊,连试都唔使试。店员梗係唔理我啦。

其实香港好多强国重灾区好似尖沙咀名牌街或者铜锣湾Sogo,呢啲店舖根本唔係为香港人服务,行入Sogo想买支唇膏,店员根本懒得服侍你,旁边强国客好似执药咁起势拎,一买就买十几支…

我都理解,Sales好需要跑数。但唔需要用一种「唔买快啲走啦」嘅态度去工作。

更加唔好忘记,大家都係香港人…

 

专页

ig:BlueGodzi

上一篇: 下一篇: